Thermal printer print nahi kar raha? Isi order mein check kare.

Printer kuch bhi print nahi kar raha?

Na awaaz, na paper hila. Printer koi bhi ho, app koi bhi ho, yeh zyada tar power ya connection ki dikkat hoti hai, software ki kam. Yeh 5 cheezein isi order mein check kare:

1. Printer sach mein on hai, yeh check kare. Switch off ho tab bhi adapter se power light jalti reh sakti hai. Toh light pe mat jao, switch dekhe.
2. Paper cover click hone tak band kare. Dhakkan 1 millimeter bhi khula ho toh zyada tar printer print nahi karte, aur batate bhi nahi.
3. Printer ka apna self-test nikale. Feed button daba ke rakhe aur printer on kare. Self-test slip nikal aayi toh printer aur paper dono theek hain, problem connection mein hai.
4. Settings → Printers & KDS mein Test connection dabaye. EasyKOT pe network printer kuch aisa jawaab deta hai: “Connected to 192.168.1.50:9100”. Doosra app hai toh uska test print chalaye. Jawaab nahi aaya matlab laptop printer tak pahunch hi nahi raha.
5. Laptop aur printer ek hi network pe hain, yeh dekhe. Laptop guest Wi-Fi ya phone ke hotspot pe chala gaya, yeh sabse common scene hai. Isse building ke saare network printer ek saath band ho jaate hain.

EasyKOT mein: Printer ko kuch bhi bhejne se pehle sale save hoti hai, toh band printer sirf paper late karta hai. Job laptop pe wait karta hai aur 1, 2, 5, 15, 30, 60 second pe retry hota hai, phir har minute, lekin KOT fire ya bill-print request ke baad sirf 5 minute tak. Itni der mein print nahi hua toh woh khud try karna band kar deta hai: queue ki row pe “Not printed — waiting for your choice” aata hai, aur wahan se Print, doosre printer pe bhejo, ya discard.

Slip nikal rahi hai, par ekdum khaali?

Roll ulta hona common hai, lekin blank slip purane paper, gande print head ya printer fault se bhi aa sakti hai. Pehle paper ki dono sides aur fresh roll test kare.

1. Nakhun ya sikka paper pe zor se ragde. Jo side print hoti hai, us pe kaali line aayegi.
2. Roll aise lagaye ki woh side print head ki taraf ho. Zyada tar counter printer mein paper roll ke neeche se nikalta hai, upar se nahi.
3. Test print phir se nikale. Dono side pe line nahi aayi toh paper ulta nahi, kharab hai. Naya roll khole.

EasyKOT mein: Yeh cheez koi bhi billing software nahi dekh sakta, EasyKOT bhi nahi. Koi printer yeh report nahi karta ki roll ulta hai, toh row pe Connected hi rehta hai. Haan, khaali roll dikhta hai: jo printer apna paper sensor batata hai, uski row pe Paper out aata hai aur naya roll lagne tak printing ruk jaati hai.

Blank slip ka scratch test, photos ke saath

Print halka, fika ya aadha aa raha hai?

Poori slip halki hai toh aksar paper ka scene hai: purana, sasta, ya garam jagah pe rakha hua. Har slip pe ek seedhi patti khaali aa rahi hai toh print head ka. Counter pe bill theek tha aur drawer mein rakhe-rakhe fika ho gaya, toh storage ka.

1. Pehle sealed pack ka naya roll try kare. Thermal paper garmi se hi kaala hota hai, isliye print se pehle ki garmi aur dhoop usko kharab kar deti hai. Tandoor ke paas ya dhoop wale shelf pe rakha roll grey chhaapta hai.
2. Printer band karke thanda hone de, phir cotton bud aur thode isopropyl alcohol se print head saaf kare. Dhool aur paper ke reshe hi aksar lines banate hain.
3. Darkness (print density) printer ki apni setting se badhaye: company ka utility, ya manual mein di hui DIP switch table. Bahut saare saste model mein yeh setting hoti hi nahi.
4. Saaf karne ke baad bhi ek patti khaali hai toh head ke dots mar chuke hain. Nayi head ka rate pehle poochhe: 58 mm ke budget printer pe poora naya printer (September 2026 ki Flipkart listings mein about ₹1,500 se ₹1,800) lagbhag utne ka hi padta hai.

EasyKOT mein: EasyKOT mein darkness ki koi setting nahi hai. Woh standard ESC/POS bhejta hai, toh slip kitni dark chhapegi yeh printer decide karta hai. Aur fika print Desktop App ki screen pe kabhi nahi dikhta.

Paper ka kharcha, aur rolls kaise rakhe

Rate: Flipkart aur IndiaMART ki listings, September 2026. Bill ki length hamara andaaza hai: lamba order ya logo ho toh slip lambi hogi.

• Extra rolls andhere mein rakhe, 25 °C se kam aur 65% humidity se kam. Coating 60 se 100 °C ke aas-paas kaali hone ke liye hi bani hai.
• Tandoor, tawa aur garam kone se door. Kitchen ki garmi rolls ko time se pehle grey kar sakti hai.
• Chhape hue bill soft plastic (PVC) cover mein na rakhe, aur geele ya tel wale haath se na pakde: dono se coating fiki padti hai ya daag padte hain.

Ulta-pulta characters ya boxes print ho rahe hain?

Printer tak data pahunch raha hai, par woh galat setting se padh raha hai. Kuch toh nikal raha hai, bas aapke words nahi.

1. Printer ka self-test page nikale (Feed daba ke rakhe aur on kare). Us pe paper width, character set, aur serial printer ho toh uski speed likhi hoti hai.
2. Billing app mein paper width roll ke hisaab se set kare. 80 mm ka layout 58 mm roll pe gaya toh lines toot ke bakwaas ban jaati hain.
3. Wired serial (RS-232) printer pe baud rate self-test page se match kare. Aksar 9600 hota hai; kuch model 19200, 38400 ya 115200 lete hain.
4. Star printer ESC/POS emulation mode mein nahi hai toh ESC/POS wale software se garbage hi chhaapega. Mode DIP switch ya Star ke utility se badalta hai, manual mein table hai.
5. Koi aur printer bhi: DIP switch se emulation galti se ESC/POS se hat gaya toh bilkul yahi hota hai.

EasyKOT mein: Printer add karte time paper size chunna hi padta hai: 80 mm, 58 mm ya 80mm wide. Uske bina form save nahi hota. Test print slip pe digits ki ek line aati hai: 80 mm pe 42, 58 mm pe 32, 80mm wide pe 48. Line toot ke do lines mein gayi toh ek size chhota kare (80mm wide se 80 mm, 80 mm se 58 mm); side mein bada khaali margin bacha toh bada size chune. Baud rate field sirf wired serial printer ke liye hai, Bluetooth pe ignore hota hai.

Ulta-pulta print ka poora fix

Printer on hai, phir bhi Offline dikha raha hai?

Printer ki light jal rahi hai, iska matlab yeh nahi ki laptop us tak pahunch raha hai. Offline ka matlab: software ne printer ke address pe darwaza khatkhataya, andar se koi jawaab nahi aaya.

1. Self-test page nikale aur us pe printer ka IP address padhe. Pehle teen number laptop ke address se same hone chahiye (192.168.1.x ke saath 192.168.1.x).
2. Number alag hain toh printer ya toh khisak gaya hai ya doosre network pe hai. Neeche ke do page dekhe.
3. Printer ko pakka address de: router mein uska IP reserve kare (DHCP reservation ya address binding naam se milta hai), ya printer ke settings page se static IP set kare. Phir light jaane ke baad bhi address nahi badlega.
4. Check kare purana address kisi aur ne toh nahi le liya. Printer ka purana IP kisi phone ya smart TV ko mil gaya toh woh jawaab dega aur sab confuse ho jaayenge.
5. Guest Wi-Fi aur AP isolation laptop ko printer se baat hi nahi karne dete. Dono ko main network pe laaye, ya printer ko cable se router mein lagaye.

EasyKOT mein: Desktop App kaunse printer ka haal dekh sakta hai, seedhi baat: network aur USB printer se har kuch second mein background mein status poocha jaata hai. Bluetooth ya serial printer se tabhi poocha jaata hai jab aap Check printer ya Test connection dabate hain; baaki time pichhla job chala ya nahi, usi se andaaza lagta hai. System printer computer ki print queue se jaata hai, jo kuch wapas nahi batati. Aur bahut saare saste printer kisi bhi cable pe jawaab nahi dete: unpe “Can’t verify — will still try to print” aata hai. Yeh jhootha green nahi, seedha grey hai, aur har ticket phir bhi bheja jaata hai. Network ke do cause Desktop App khud bata deta hai: “Your router is keeping devices apart” aur “Printer is on a different network”, aur Mac pe “macOS is blocking local network”.

Seedha grey: printer status ka jawaab nahi deta, phir bhi har ticket queue mein jaata hai.

Kuch bhi chhedne se pehle row pe Check printer dabaye. Woh 5 sawaal isi order mein poochta hai (printer tak pahunch hai, cover band hai, ESC/POS samajhta hai, health theek hai, test slip nikli) aur jo pehla sawaal atka, uska naam batata hai, guided fix aur is site ke page ke QR code ke saath.

Check printer exact fault ka naam leta hai (yahan paper out), guided fix aur isi site ke QR code ke saath.

Jo printer status ka jawaab hi nahi deta: test slip ke alawa har step Unsupported. Yeh sach hai, kharabi nahi.

Laptop pe paired Bluetooth printer Detect printers mein Other devices on this computer ke neeche dikhta hai, aur Serial / Bluetooth ki tarah add hota hai. Laptop se Bluetooth printing abhi hamare apne hardware pe proven nahi hai, isliye hum network cable ya USB ki salah dete hain.

Settings → Printers & KDS → Detect printers → Other devices on this computer.

IP se bhi printer nahi mil raha: router ka fix · Printer doosre network pe hai · Android phone pe Bluetooth printer

Printer ki red light blink kar rahi hai? Self-test, garmi, reset

Har company ke light code alag hote hain, toh asli jawaab manual ki error table mein hai. Zyada tar counter printer pe red ya orange light blink kare toh chaar mein se ek baat hoti hai: paper khatam, cover khula, print head zyada garam, ya cutter atka.

1. Cover khole, roll aur cutter slot dekhe, aur click hone tak band kare.
2. Lambe rush ke baad printer garam ho gaya hai toh 10 se 15 minute band rakhe, head ko thanda hone de. Printer ko tandoor aur seedhi dhoop se door rakhe.
3. Self-test page nikale: Feed daba ke rakhe, printer on kare, aur print shuru hone par button chhod de. Self-test saaf aaya toh printer theek hai; problem cable, network ya software mein hai.
4. Factory reset sabse last mein, aur tabhi jab company ka support bole. Network printer pe yeh aapka set kiya hua IP mita sakta hai, phir printer kisi ko nahi milega.

EasyKOT mein: Jo printer status ka jawaab deta hai, uski row pe Desktop App light code nahi, seedha naam batata hai: Paper out, Cover open, Cutter jammed, Printer cooling down (thodi der mein apne aap chalu), ya Printer paused. Printing ruk jaati hai aur fault hatne tak tickets queue mein wait karte hain.

Bill nikal gaya, par KOT kitchen tak nahi pahuncha?

Do printer, do alag kahaniyan. Pehle yeh pata kare ki ticket gaya kis printer pe.

1. Kitchen ke pass jaakar dekhe, aur counter printer ko bhi check kare. Bahut saare billing app mein kitchen printer set nahi hai toh KOT counter printer pe hi nikal jaata hai.
2. Sirf kitchen printer pe test slip nikale. Fail hua toh upar wale checks us printer ke liye kare.
3. Fix hone ke baad KOT reprint kare. Tab tak us ek order ke baare mein kitchen ko seedha bata de.

EasyKOT mein: Settings → Printers & KDS mein dekhe ki kitchen printer ka Role Kitchen (KOT) hai. Kisi printer pe yeh role nahi hai toh KOT pehle Both wale printer pe jaata hai, phir receipt printer pe. Fail hua KOT Reliability ke neeche N failed pill mein dikhta hai, aur Reprint last KOT se dobara jaata hai. Kitchen mein padi slip screen nahi dekh sakti, toh check pass pe jaake hi hoga.

Kitchen printer aur KOT routing, step by step

Kal tak chal raha tha, aaj nahi? Light gayi thi kya?

Raat mein network pe kuch khisak gaya, aksar light jaane ya router restart ke baad. Billing app apne aap kuch nahi badalta.

1. Aksar printer ka IP address badal gaya hota hai. Router address udhaar pe deta hai; restart ke baad printer naye address pe aa sakta hai aur app purane pe dhoondta rehta hai.
2. Naya router ya router reset matlab naya network, aur dono device us pe hone chahiye. Laptop padosi ke Wi-Fi ya hotspot pe chala gaya toh printer dikhega hi nahi.
3. Pakka ilaaj: router mein printer ka address reserve kare, ya static IP de. Ek baar thoda time lagega, phir har shaam ki tension khatam.

EasyKOT mein: EasyKOT har network printer ko uske hardware (MAC) address se bhi yaad rakhta hai, sirf IP se nahi. Printer khiska toh Desktop App aapse poochne se pehle network se poochta hai ki woh hardware ab kahan hai, toh router ka reshuffle aksar aapko pata bhi nahi chalta. Phir bhi na mile toh Detect printers poora network dobara scan karta hai.

Address sahi hote hi row wapas Connected, jaise printer kabhi hila hi nahi.

Router restart ke baad printer Offline · Printer ko shuru se dobara connect kare · Internet band ho tab billing

“Check your printer and try again”: Chrome ka print error

“Something went wrong when trying to print. Please check your printer and try again.” Yeh message Chrome ka hai, printer ka nahi. Yeh tab aata hai jab billing browser mein chalti hai, Chrome bill ko Windows ki print queue ko deta hai, aur queue use printer tak pahuncha nahi paati.

1. Printer on hai, paper hai, aur Windows mein ready dikh raha hai, yeh check kare: Settings → Bluetooth & devices → Printers & scanners.
2. Us printer ki queue khole aur atke hue saare jobs cancel kare. Ek atka job apne peeche ke saare bill rok leta hai.
3. Print Spooler restart kare: Windows + R dabaye, services.msc likhe, Print Spooler dhoondhe, aur Restart chune.
4. Chrome ke print dialog mein Destination thermal printer hi hai, Save as PDF ya usi printer ki purani copy nahi, yeh dekhe, aur paper size apne roll ka rakhe.
5. Printer ki properties se Windows test page nikale. Woh bhi fail hua toh problem printer, cable ya driver mein hai, browser mein nahi.

EasyKOT mein: EasyKOT Desktop App computer par chalta hai, web page nahi. Woh slip seedha network, USB ya Bluetooth printer ko bhejta hai, toh na print dialog aata hai, na yeh Chrome wala message. Ek exception: System printer ki tarah add kiya printer computer ki apni print queue se jaata hai (dialog phir bhi nahi aata). Atki hui Windows queue un bills ko rok sakti hai, isliye Windows pe Network ya USB behtar hai.